لأبنائنا طلبة الصف الأول الثانوي نقدم معلومات تيسر عليهم استخدام التابلت وتساعدهم على الحفاظ عليه.أولاً: لا تحاول اختراق نظام التابلت فالخاسر الوحيد هو أنت فبعض الحيل قد تخرج جهازك خارج المنظومة وبالتالي قد لا يكون الوقت كافيا خاصة قبل الامتحانات لتدارك الأمر وعلاج المشكلة ولا يصل إليك الامتحان.
ثانياً: يجب أن تعلم أن هدف التابلت تعليمي فهو كتابك هو كراستك هو ملزمتك هو مفكرتك هو مكتبتك هو لجنة اختباراتك فحفاظك عليه يحافظ على مستقبلك.
كيف تكتب اسمك على شاشة قفل التابلت:
الطريقة :
1- بتفتح ال Settings
2- افتح lock screen and security
3- بتختار Information and FaceWidgets وبعدين بتختار Contact information وبعد كدة اكتب اسمك ودوس Done .
هتلاقي اسمك ظهر في قفل الشاشة ..
و لو انت لغة التابلت بتاعك عربي
1- افتح الضبط وبعد كدة افتح شاشة القفل والحماية
2- افتح المعلومات FaceWidgets
3- اختار معلومات حول جهة الاتصال وبعد كدة اكتب اسمك
…
2- كيف تكتب على لوحة المفاتيح بخط اليد:
هتفتح الكيبورد بتاعك هتلاقي علامة تحت بجوار المسطرة من الشمال
دوس عليها بدوسة طويلة شوية هيظهرلك 5 اختيارات دوس علي اللي مرسوم عليه ” قلم وحرف T ”
وبكدة هتقدر تكتب بإيدك أو بإستخدام قلم التابلت ولو عايز ترجع للكيبورد تاني بتدوس علي علامة الكيبورد الصغيرة اللي تحت علي الشمال..
3 – في شاشة القفل في تطبيقين تحت
علي اليمين” الكاميرا ” وعلي الشمال “الهاتف” ، تقدر برضو تغيرهم بتطبيقين مهمين عشان تفتحهم بسرعة لاننا كدة كدة مش هنستخدم الكاميرا ولا الهاتف
عشان تغيرهم
1- بتفتح الSettings
2- بتفتح App Shortcut
3- بتختار اي تطبيقين عايز تحطهم زي ال calculater او اي تطبيق بتستخدمه كتير..
و لو لغة التابلت بتاعك عربي.. بتفتح الضبط وبعد كدة بتختار شاشة القفل والحماية وبتختار اختصارات التطبيق .
4– عشان تفتح المناهج والاسئلة والاختبارات علي بنك المعرفة بتفتح ايقونة Lms الموجودة عندك وبتسجل دخولك باستخدام الإيميل و الباسورد اللي المدرسة عطتهولك و هيفتحلك حسابك فهتدوس علي الدليل الدراسي وتختار المادة اللي انت عايزاها واختار الدرس ودوس علي محتوي اضافي هتلاقي شرح واسئلة وفيديوهات بس الفيديوهات مش بتشتغل للاسف لازم نت مدرسة
5- عشان تنزل الكتب عندك علي التابلت
بتفتح ايقونة وزارة التربية والتعليم اللي عندك علي التابلت لما تِفتح الصفحة دوس علي “موقع وزارة التربية والتعليم” اللي موجودة فوق علي اليمين هيفتح معاك موقعهم
إختار ” التعليم الالكتروني ”
وبعد كدة اختار المرحلة الثانوية و اختار الفصل الدراسي الاول عشان الكتب ترمين في كتاب واحد .. معادا العربي والرياضية لو عايز تنزلهم اختار الفصل الدراسي الثاني
واختار النوعية ” الكتب الدراسية الالكترونية ” وهتلاقي المواد دوس علي استعراض هيبدأوا ينزلوا عندك
وبتفتحهم من الPdf reader
للحديث بقية .. انتظرونا
