مدرسة غبور 1 للتكنولوجيا التطبيقية، بالشراكة مع مؤسسة غبور للتنمية.
تتخصص المدرسة بمجال صيانة السيارات (مركبات خفيف)، إصلاح هياكل السيارات، دهان هياكل السيارات، صيانة سيارات النقل والحافلات.
شروط الالتحاق بمدرستي غبور 1 و 2 للتكنولوجيا التطبيقية:
1. حصول الطالب على الشهادة الإعدادية للعام الدارسي 2020 – 2021، بمجموع لا يقل عن 230 درجة.
2. ألا يزيد سن الطالب عن 18 عام في أول أكتوبر 2021.
3. اجتياز الطالب اختبارات القبول التي تضعها وزارة التربية والتعليم والتعليم الفني والمقابلة الشخصية والكشف الطبى، بالإضافة للاختبارات العملية من جانب مؤسسة غبور للتنمية.
4. متاح التقديم للبنين والبنات من جميع محافظات الجمهورية.
5. أن يتم التقديم الكترونياً على الموقع الرسمي لوزارة التربية والتعليم والتعليم الفني.
أهمية دراسة صناعة السيارات:
صناعة السيارات من الصناعات المهمة جداً لتحسين اقتصاد بلادنا، لأنها بتوفر العديد من فرص العمل لمختلف الفئات، باعتبارها من الصناعات كثيفة العمالة. وبتطويرها هنقدر تقلل من الاعتماد على الاستيراد فقط من نزيف العملة الصعبة.
بالإضافة انه مع استمرار الاهتمام بتطوير صناعة السيارات، هنقدر نصنع و نصدر للخارج و فى حالة دى مش هنوفر بس عملة صعبة، لا كمان هنقدر ندخل لبلادنا عملة صعبة و ننافس الدول الصناعية الكبرى. يعنى نقدر نقول أنها هدف استراتيجي.
وعلشان نطور الصناعة، لازم نوفر الأول الفنيين و المهندسين المؤهلين و المتعلمين بشكل متميز، و من هنا بدأنا العمل بمؤسسة غبور للتنمية بتطوير مدارس التعليم الفنى فى مصر فى مجال السيارات، بحيث ان التطوير يشمل كل جوانب العملية التعليمية علشان ولادنا يتعلموا صح، و يقدروا يوصلوا للمستقبل اللى كلنا بنحلم به.
حقق حلم ابنك وبنتك:
أكيد نفسك تشوف ابنك ناجح و متفوق فى حياته، ومن هنا ضرورى جداً انك تختار مدرسة و تعليم يساعده على التفوق و النجاح فى حياته، بس تختار المدرسة على أساس ايه ؟
منظمة اليونيسيف حددت أهم العناصر اللى لازم تكون موجودة علشان نضمن جودة التعليم، فى التالى:
1. أن يكون الدراسة مرتبط بالواقع، وتساعد ولادنا على اكتساب المهارات الأساسية، وتأهيلهم لسوق العمل يعنى مش مجرد يحفظ معلومات علشان ياخد شهادة وخلاص.
2.المدرسون و القائمون على العملية التعليمية، يكونوا مؤهلين بشكل جيد للتعامل مع ولادنا و تشجيعهم على الدراسة و شرح المعلومات بشكل تفاعلى.
3.المدرسة تتواصل بصفة مستمرة مع أولياء الأمور من خلال الأخصائى الاجتماعى لتقديم الدعم للطلاب بصفة مستمرة و متابعة ادائهم.
4. تطبيق كل الإجراءات لتوفير بيئة تعليمية آمنة و صحية، يعنى كمثال منع التعدى بأى شكل من الأشكال على الطلاب.
و علشان تتأكد من تطبيق المعايير، لازم تزور المدرسة قبل ما تقدم لإبنك، لان مستقبل ولادنا أهم حاجة عندنا.
هنساعدك تبدأ مشروعك:
لخريج المدارس المطورة من مؤسسة غبور للتنمية، نفسه يكون عند مشروع خاص به و ينجح و يكبر هنساعده يحقق حلمه.
وهنساعده من خلال التعاون مع شركة الميكانيكى – و هي شركة متخصصة في صيانة السيارات -، وبكده يقدر أنه يفتح ورش صيانة سيارات خاصة به، و يطبق كل اللى اتعلمه في المدرسة.
التعاون مع شركة الميكانيكى يشمل تأهيل الخريجين على إدارة المشاريع و توفير فرص التمويل وتوفير أحدث الأجهزة، ومتابعة الأداء بصفة مستمرة لضمان نجاح ورش الصيانة الخاصة بهم.
